Russia Ram i Min Aung Hlaing Suimilam aa Khih Man hi a Fak Ngai ee

SAC Lutlai Min Aung Hlaing suimilaam man cu ralkap pakhat kum 30 hlawh he aa zat: Russia ram, Moscow khualipi ah tuah mi A voi 9nak ram kip himbawmnak meeting ah, uknak chuttu Senior General Min Aung Hlaing nih aa khih mi suimilaam man cu sen ngei lo ralkap pakhat kum 30 hlawh he aa khat.

June 23 ni meeting ah uknak chuttu Senior General Min Aung Hlaing nih aa khih mi Patek Philippe Calatrava suimilaam cu Singapore Dollar 57,200 man a si i Myanmar tangka in sing 686 Kyats (68,600,000) hrawng a si.Sing 686 Kyats cu Myanmar ram ah, sen ngei lo ralkap pakhat nih kum 30 chung a tuan lawng ah a hmuh khawh mi thlahlawh zat a si. Source: The Hakha Post.

Relchap: Min Aung Hliang le Russia Pehtlaihnak cu a Poi Ngai Cang (Latest Update) 

Min Aung Hliang Russia khualtlawnnak a hnubik (update) kan theih ning cu hi ti hin a si. Zahan June 22 khan Min Aung Hliang nih cun Russia cungah lawmhnak bia fak pi in a chim. Russia hi Ralhrang pawl hawikom tha tak tak a si. Nitlak lei ram Western ram vialte nih ralhrang hruaitu lutlai vialte philhkharnak an tuah lio ah Nitlak lei ram pawl cu ralrin a rak pek hna. Min Aung Hlaing nih cun ‘ Thanks to Russia, Kan ralkap hna cu kan hmunhma ah a thawngbik kan si. Russia le Kawlram ipehtlaihnak cu a thawng chin thluahmah tiah Min Aung Hliang nih Russian Defense Minister Sergei Shoigu sin ah a chim. Min Aung Hlaing hi ni 3 chung tuah dingmi  three-day international security conference kong he pehtlaiin Russia i a cam lio a si. Russian Defence Minister Sergei Shoigu zong nih Kawlram hi zumh awk tlak kan hawi tha a si. Ram pahnih pehtlaihnak tha kan ngei peng khawh nak lai thazaang kan chuah peng lai tiah a chim ve. Hi ti i Russia le Ralhrang pawl ipehtlaihnak a tthat cun hriamnam tampi a kuat khawh peng lai caah poi ngai lai. Ram tampi nih Kawlram Ralhrang hram hram uknak an doh lio i Russia nih a dirkamhmi hi cu a poi tak tak. Mah ram zawn lawng aa ruatmi ram a si.