Salai Rung Lian Cung Ruak Tio Tiva i an Kawlnak Video.

Ṭio Tiva Ah A Pammi Salai Rung Lian Cung Ruak Cu Ni 3 A Rauh Tiang Ah Hmuh A Si Rih Lo!

Tio Tiva i Salai Rung Lian Cung Ruak an kawlnak video a tanglei bik ah a  um lai. 

India-Myanmar ramri Ṭio tiva ah takkholhnak in a pam mi Salai Run Lian Cung, kum 15 cu nihin July 5 tiang ah a ruak hmuh a si rih lo, tiah theih a si. Salai Run Lian Cung cu Hakha khuasa mi a si. Mizoram ah caw a khal i, Ṭio tiva ah July 2 ah khan a pam!

Ti a pamlio ah cun a hawile nih chanh khawh an i zuam ko nain, an rak chanh kho lo. Fur caan a si caah Tio tiva cu a lian i tihrah a ngan caah tilio thiammi hna zong ruahlopi in an i chuahsualnak tawn.

Salai Run Lian Cung ruak cu Mizoram le Thantlang peng khua kiangkap ummi hna nih nifatin an kawl nain nihin July 5 tiang ah an hmu rih lo. Source: The Chin Post. 

Tio Tiva i Salai Rung Lian Cung Ruak an kawlnak video.

Bomb Puah Sualnak in “Salai Bawi Za Ceu” a Nunnak a Liam: Nihin July 5 ah Thantlang peng ralram hmun khat ah bomb puah sualnak in CDF-Thantlang ralkap Salai Bawi Za Ceu Thangzang khua mi a nunnak a liam, tiah thawng kan theih.

Bomb an tonghthammi nih minung pahnih a puah hnawh hna i Salai Bawi Za Ceu hi a hmun ah a nunnak a liam. A dang pakhat hliamhma a pu, tiah kan theih.