Thantlang khua kong i Ralhrang Meeting Kong i Salai Lungthlitum nih a Chimmi
Thantlang upa hna nih ralkap cozah an ton hna khi miphun leirawi ah kan ruah colh hna ahcun kan lungput hi kaphnih khua ruat kho lomi extremist ‘pialsual’ kan si timi fiang tein mah le mah i hngalh nak a si hnga.Thantlang an dawt tuk caah huat le thangchiat ton ding an theih tuk ko buin Thantlang khua le khuami hna caah a tha bik lai tiah an ruahmi an tuah khi a si — anmah pumpak ca hlawknak a um bak lo timi fiang tuk in an theih cia ko. Ruahnak le hmuh ning cu ai dang cio lai ta.
Miphun zawn ruah lem loin zapi nih an uar lai timi poah aupi a hmangmi phete pawl nakin cun miphun le khuami caah a tha bik lai tiah zumhmi kha fek tein a dirpi ngammi pasaltha hna khi uar an um tuk ka ti.Source: Salai Lungthlitum.
Hi kong hi hi ti hin rak langhter a si cang.
Thantlang Dirh Ṭhan Kongah Ramkulh SAC Cozah Le Thantlang Khuanu Khuapa Meeting An Tuah
Pur (June ) 30, 2022, cawn ninga ni ah Hakha khuapi ramkulh cozah meeting hall ah Thantlang dirh ṭhannak kong meeting an tuah i Chin ramkulh SAC CM Pu Ngun San Aung nih a telpi hna. Pu Ngun San Aung nih cun biahmaiṭhi a chim hnuah atu i an tuah liomi meeting cu Thantlang dirh ṭhannak ding kong a sinak, meeting a kaimi ramkulh zungkip ṭuanvo ngeitu hna zong nih Thantlang hi a hlan bantukin a si khawh nakhnga chimrel cio ding, cun meeting ah aa telmi Thantlang khuanu khuapa le Biaknak lei upa hna zong nih Thantlang dirhmun le dirh ṭhannak ah a herhmi zalong tein chuahpi cio ding, a bik in ralzam hna Hakha i ṭhialkamnak kongkau ah ruahnak chim ding, cuti ralzam ṭhialkamnak ah harnak a um ahcun mawṭaw timhtuah piak an si lainak kong le Thantlang dirh ṭhannak kongah a biapi bikmi cu i zumhnak a si caah pakhat le pakhat cungah zumhnak ngeih a herhnak kong a chim.
Cu hnuah North Western Command i Deputy Commander Brigader General Myo Htut Hlaing nih Thantlang kahdohnak ruangah ralzam in a ummi hna an umnak hmunhma ah chiah ṭhannak le Thantlang khuapi a daih khawhnak dingah khuanu khuapa le Biaknak lei hruaitu hna i bawm in rianṭuanṭi a herhnak kong a chim ve.
Cu khawh cun ramri runvennak vuanci Brigader General Han Win Aung le ramkulh cozah chungṭuan (Secretary) U Maung Maung San nih Thantlang dirh ṭhannak rian ṭuan khawhnak dingah zungkip i ṭuanvo ngeitu hna zong nih a hlankan in timhtuahnak ngeih chung a herhnak kong an chim ve.
Cu hnuah Thantlang lei in Rev. Dr. Lal Uk, khuanu khuapa in Pu Ngun Hram, Pu Ram Khar le Pu Lawm Bik hna nih ralzam hna an tlun ṭhan khawhnak ding le Thantlang dirh ṭhannak dingah ramkulh cozah le ramkomh cozah nih kan tuahpiak seh tiah an duhmi chimrelnak an ngei ve tiah theih a si.
Meeting a kaimi ramkulh level zungkip ṭuanvo ngeitu hna nih Thantlang ṭhanchonak caah an ṭuan cangmi, an ṭuanlio mi le ṭuan an timhmi kong chimfiannak an ngeih hnuah North Western Command Deputy Commander Brigedier General Myo Htut Hlaing nih ruahnak peknak bia a chim hnuah SAC cozah Chin ramkulh CM Pu Ngun San Aung nih meeting kharnak bia a chim i an meeting cu an donghter tiah theih a si. Source: The Chin Post.
Mizoram lei ah Caw a dawi mi Salai Rung Lian Cung Tio tiva ah a paam.Mizoram lei ah paw cawmnak ca ah tiin Caw dawi in kuli a tuan mi Hakha khua mi Salai Rung Lian Cung cu Myanmar le India ramri, CNA camp pawng Tio tiva ah ti aa kholhnak ah ti ah a paam i a ruak hmuh khawh a si rih lo tiah thawng kan theih.Atu bantuk in Salai Rung Lian Cung (kum 15) ti ah a paam hi nihin July 2 suimilaam 4:00PM tluk ah a si tiah a hmun ummi hna sin in thawng kan theih.
Caw dawi in kuli aa hlawhnak a boss pa nih, “Caw cheukhat cu Tio tiva kan peh pi khawh cang hna. Anih hi ka fapa pakhat he ti an i kholh. Tiva kam te ah an i kholh ko. Ti aa kholh lio ah atu bantuk in ruah lo piin tiva nih a dawh i a paam hi a si. A paam tlawmpal ah mi pakhat nih a chanh ko nain ti tha a thawng ti a lian tuk ca ah a chuahpi kho ti lo i atu bantuk in a paamnak hi a si,” tiah a chim.Salai Rung Lian Cung (kum 15) hi Pu Chan Kam fapa a si i Hakhathar Lungphun Sang ah a pi he khua a sa mi an si tiah kan theih.Miphun rian ah,CCN Team.