Thantlang Peng ah Ralzaam an Karh tak tak

Thantlang Peng Chung Minung 2,500 Hrawng Ralzaam Dirhmun in an Um: Thantlang peng chung kahdohnak ruang ah khua 9 in minung 2,500 hrawng nih an innlo an chuahtak i ralzaam dirhmun in an um hna, tiah kan theih. A zaammi hna lak ah micheu cu Mizoram lei ah a panhmi zong an um hna. Source: The Chin Journal,June 17, Thantlang.

Relchap: Thantlang ah COVID-19 Zawtnak a Ngeimi Minung 8 an Hmuh Hna: [Updated] – Thangtlang ah minung 20 COVID-19 zawtnak an ngeih le ngeih lo an check hna i, minung 8 nih COVID-19 zawtnak an ngei tiah an hmuh. Damlo ruang ah Lian Lian pa sin ah aa piahmi mizaw 5 le mizaw zohkhenhtu minung 3 sin in COVID-19 zawtnak an hmuh hna hi a si. Nu pali le pali an si hna. A zualhma tuk an si lo caah sibawi pakhat bawmh an hal i, inn ah felfai tein thlopbul ding in Home Quarantine in an chiah hna, tiah kan theih. Source: The Chin Journal,June 17, Thantlang.

Relchap: Hakha ah SAC Ralhrang pawl Zurit Lung in Meithal an Puah Len,Nihin zaanlei sml. 5:45 hrawng ah Hakha, Golf Club sang, Sein Latt Ya (စိန်လက်ရာ) dawr pawng ah SAC ralhrang pawl zu an ri hna i, meithal puah thlorh in an puah hna. Ralhrang nih zurit in meithal an puah thlorh caah Golf Club sang lei ah mi zong rat len lo ding in kiangkap mi hna nih an chim. Source: The Chin Journal, June 17, Hakha.