Thawngpang Ttha Taktak: Kawlram Ah Datsi Man A Ttum Thluahmah Tthan

Kawl ralhrang cozah nih biatak tein datsi man ttum ding cuai zuam cuahmah i, ramchung seh lei mawnghmi thilri pohpoh ah hman mi Datsi  man cu a ttum lei a hung phan cang i, Sept 17 ahcun 1 litre ah 2180 lawng a si cang ti ah theih a si. Cun Yangon khuachung ahcun

Kawl ralkap cozah nih 1 litre ah 2180 in nan zuar lai an ti hna tiah Datsi lei tuanvo latu committee nih thanhnak an tuah. Cun hmun dangdang Mandalay, naypyidaw, Magwe, Thauai, Monzua, PATHEIN, Pha Ann, Maw la Main, La Suh, Taungkyi le Lwinkaw hna ahcun thawlkhat ah 2200 kyats tiang a man a ttum i, Kachin Myitkyina le Sittew ahcun 2300 tiang a ttum ve i, Hakha ahcun 2400kyats renglo a si. Cun Jaingtthung ahcun 3100 tiang bak a man a tla e ti a si.

Mah ti i a man a tlaknak bik a ruang cu Ralhrang nih Russia ram ah datsi a cawk hnu in a si i, atu voihnih phurh than ding a timhtuah e tiah Popular Journal nih a tial. Datsi man hi 4000 kyats in thawlkhat khi cawk a rak si bal nain atucu ramchung um kan caah a man a tlak cu a ttha tuk. ralhrang cu kan duh cio lo nain thil man a kai le datsi man a kai tuk cu mipi kan har tuk caah a man a tlak hi cu kan i lawm ko kan caah thawngpang ttha a si ko tiah ramchung ummi pakhat nih a chim.

RALHRANG nih atulio si Sui man , Phaisa thlen le Datsi man hna hi biatak tein control aa zuam ti a si. Aluancia NLD cozah lio ahcun datsi man hi 1 litre ah thongkhat 1000 lawng a rak si nain Min Aung Hliang nih hramhram in anaa a laak hnu in ramchung ah datsi man a kai tuk i, thildang vialte fenh aih le tirawl facang man tiang in a kaiter dih tiah theih a si.