Thawngpangttha taktak: Tuchun Hakha Ah CNA Le CDF Nih Kawl ralhrang Tam taktak An thah Hna.

Nihin October 13, Tuchun ah kan Chin ralkap CNA le CDF hna karlak ah kahdohnak faak taktak hmun hnih ah a chuah hmun khat an i kahnak hi Hakha Education Degree College ah a si i, CNA le CDF lei cu an him dih i, Chin ralkap hna nih

Kawl ralkap cu minung tam taktak minung 15 bak an kah thah hna ti a si i, Atu an i kahnak ahhin kan Chin ralkap buu fonh lei nih

Kawl ralhrang zen kuan zeimawzat le meithal zong an laak khawh ti a si. Atu an i kahnak hmun hi Hakha khuachung a si i, Kawl ralkap cu an cei tuk caah ai hliammi zong an tam i, Hakha siizung ah minung tampi an tlikpi hna ti a si. Atubantuk in

 

an i kahdohnak hi CNA le CDF nih an i relh lo kar bak ah an va kahmi hna a si caah, Kawl ralkap cu a thi he ai hliammi he an tamnak hi a si tiah Hakha ummi pakhat nih a chim.

Thawngpang update thanh than khawh kan hun i zuam lai

 

Matupi Ah Phone Line Caan Sau A Rawk Rih Lai Tiah An Chim

A luancia ni 3 hrawng ah khan Chin ramkulh, Matupi ah phone line rawh hram a rak i thawk i, nihin October 13 tiang ah phone line a ngah rihlo tiah theih a si.

Atu ah meng 70 hmun tower tung in thlahmi phone signal lawng in Matupi ah phone i chawnhkhawh a ngah tiah theih a si.

Tualchung mi hna nih an chimning ah cun “phone tower tung ah diesel a dih caah phone line a thihnak hi a si” tiah an chim.

“Kan theih ning ah cun Chanpian khua ah diesel va cawk awk cu a um nain, va kal tik ah SAC ralkap nih tamtuk an rak i lak tawn caah a hohmanh nih va la duh lo” tiah tualchung mi pakhat nih a chim.

 

CDF-Mara Le MATC/MDF Kar A Cangmi Buainak Kong Ah CDF-Zotung Nih Forhfialnak Cathanh An Chuah

CDF-Zotung nih October 13 ah cathanh an chuah ning cu a tanglei bantukin a si;

1) 2022, October 9 ah Mara hmunram Ngaphaipi ah MATC/MDF le CDF-Mara + ZZLMS kar a cangmi kahdohnak ah CDF-Zotung i telnak kan ngeilo.

2) CDF-Zotung Supreme council cu ZZLMS chungtel a silo leng ah zeibantuk kong hmanh ah i thlaknak a ngeilo.

3) CDF-Zotung min i bunh in ZZLMS sin ah a lutmi hna cu 2022, June 14 ah CDF-Zotung Supreme council nih CDF-Zotung phu chungtel sinak in chuahmi 47 chung in an si tiah theih a si.

4) CDF-Zotung Supreme council cu Chin ramkulh chung ah a cangmi buaibainak kong ah ton biaruahnak ngei in hlohchuah a duhmi phu kan si.

5) Cucaah Mara miphun kar a cangmi buainak kong ah ZZMLS nih minung thazaang le hriam thazaang hmang in an i telmi cu kan doh.

6) Hriamtlai Chin miphun hna i funtom in nawlngeihnak a la tu SAC ralkap doh dah tilo, Chin miphun pakhat le pakhat kar a cangmi buainak ruang ah hriam thazaang hman cu kan doh.

7) CDF-Mara le MATC/MDF kar a cangmi buainak kong ah kap hnih hruaitu ton biaruahnak ngeih in cu buainak hlohchuah ding ah kan in forhfial hna. Crd: The Chin Post.