Tio Hlei Tiang zong Ralhrang an Um Ngam Ti lo
Tio Hlei Tiang zong Ralhrang an Um Ngam Ti lo, Ralhrang Flag zong thum a si cang i CNDF lei nih an thantaar bak an tar khawh cang.
Chinram, Falam peng Rihkhawdar khua India-Myanmar ramri hlei, Myanmar leikap ah Ralhraang Council aiawh puanlaang (Flag) cu thumh a si i, CNO/CNDF flag an thlai cang tiah theih a si.
Chin Ramkulh, Falam peng Rihkhuadaar ah ummi India-Myanmar ramri hlei ah SAC ralkap nih an hman mi thantaar cu thlak piak in CNDF thantaar an thlai cang, India-Myanmar ramri hlei hi Chin ram le Mizoram aa pehnak a si i chawheh thal nak ah an hman mi hlei pakhat a si.
Rihkhuadar khuachung ah Chin ralkap hna le SAC ralkap karlak kahdohnak a chuah lengmang caah khuami hna cu Mizoram lei ah an zam,
India – Myanmar ramri hlei ahcun Chin ralkap hna nih thantar an tar lawng silo in umhmun zong an khuarnak i chek gate zong an tuah caah SAC rian khinhmi Chin State Chief Minister Pu Ngun San Aung zong nih kan hnu February thla ahkhan India- Myanmar ramri hlei ah ralkap chiah ding in Min Aung Hlaing a rak hal. Source: The Chin Post.
Ukraine Ram Bantuk In Myanmar Zong Bawmh Ve Ding Ah Myanmar Ambassador Nih Nawlnak Tuah
Ukraine ram Russia nih a tukmi a rannak in ngolcolh ding ah UN General Assembly ah ram 80 leng i lungtlinpinak he Ukraine nih nawlnak a tuahmi biakhiahnak cu Myanmar ram telh in ram 140 nih lungtlinpinak an ngeih i a dohkalh tu ram 5 an um i China le India telh in vote a pe lo mi ram 38 an um tiah theih a si.
Permanent Representative of Myanmar to the United Nations U Kyaw Moe Tun nih 2022, March 24 zinglei ah tuahmi UN General Assembly ah Ukraine ram cung a cangmi kong emergency biaruahnak ah biachimnak a ngei, Myanmar ram zong nih lungtlinpinak kan ngei tiah a langhter pin ah Myanmar ram kong ah ramkip nih thazaang pek in bawmhcio ding ah nawlnak a tuah.
Ukraine ram kong UN General Assembly biakhiahnak ah ramchung mipi hna le an umnak inn buildings pin ah Humanitarians hna le sii lei riantuantu hna, thawnglatu hna runvennak tuah ding in nawlnak an tuahchih.Cu biakhiahnak tuahmi cu Russia, Belarus,Eritrea, North Korea le Syria ram 5 nih dohkalhnak an tuah i, Russia representative nih cun biakhiahnak tuahmi kongah nitlaklei ram hna cu stress an pek hna tiah an puh hna.American UN ambassador Linda Thomas-Greenfield nih cun Ukraine ram tuk a tonnak kongah Russia nih tuanvo a ngei tiah Russia cu sual a phawt.Source: The Chin Post