Tuchun CDF Mindat Umnak Le Mindat Khuapi Ah Ralhrang Cawlcanghnak Thawngpang

Tuchun zan lei ahkhan Mindat khua pawng meng 5 aa hlaatnak zawn College umnak bo ah ralhrang pawl an um tthup ko. Cu kaa hmun cun ttum le lawi ding phun in an i umter nain, lawi loin Colleng umnak bo ah cun an i thup ziar ko tiah theih a si.  Cucaah

Mipi hna nan umkalnak nan um tthuttonak ah ralring tein um uh tiah CDF Mindat tuanvo ngeitu nih an thanh. culawng si loin Ralhrang hna nih Mindat khuachung ah thil an zuar i, mipi pawl lemsawm nak ah thil ram 20% bak an ttum i man deng taktak in an zuarh hna ti a si. Mah bantuk ralhrang thil tuah hi Falam ah an tuah i a caw tuk an tamtuk an i tinh lo ti a si. Tedim ah an tuah tthan i, an cawk taktak ti a si fawn, Hakha balte ah cun a caw mi an um huaha lo le Ralhrang pawl an lungdong ngai ti a si. Mindat zong ahhin khuachung ummi cu ralkap lei ttang an tamtik ah thil hi cawk tuk dawh an si tiah theih a si. Asinain in khuachung lei thawngpang fiangin an la kho lo caah mipi tam le tam lo cu ruahdamh deuh tu a si.

Mindat CDF chungtel pakhat nihcun mipi nih a pah bak i pah in an cawk le si hnga maw ka thei lo tiah a tial. Mindat khua ahhin sianginn zong an hun i an kai ti theih a si. CDF mindat nih an khua rawh lai an phan caah khuachung ah raldohnak an tuah ve lo caah khuacchung ahcun ralkap pawl zalong ngai in khua an sa ko, CDM tuah duh lomi hna zong punghmaan in saya/sayamah an tuan ko hna ti theih a si. CDF Mindat nih Non CDM pawl cu mipi rawiphiartu an si tiah cathanh a rak chuah cang.

CDM a tuah lomi hna cu ram tthat tik zong ah zungzal in rian kan in khinh ti hna lai lo tiah an rak thanh cu a si. Atu lio cu AA le Ralhrang an i doh cingling a si caah Mindat khuachung ralhrang ummi ti dah lo khuate lei ah an kal bak lo tiah theih a si.