Tuchun Hakha Khuathar Ah Chin Ralkap Nih An Kah I, A Thimi Pa Cu Aho Dah A Si Theih Si Cang
September 27: Tuzing Hakhathar Sang zawn lamruk aa tonnak zawn ah Kawl ralkap le Palik pawl cu CNA CDF nih an va kah hna i, minung pahnih an i hliam pin ah pakhat hi Siizung an phanh bak ah a thi tiah an chim. A thi mi pa hi
An chim ning ahcun a ruak lai puan in an zual caah a sining kong kan van hlat i, A nu hi Laimi a si i, a pa hi Kawl a si tiah kan theih. Amin ah Aung Aung Lwin ti a si tiah kan theih. Cu lawng si loin a ruak cu Lai phung tein Cawbuk thlanmual ah vui ding in an kal pi lio i an kir lei ah Palik Mawtaw cu CNA CDF- Hakha nih an rak kah tthan thiammam i
Kawl Palik ralbawi pahnih bak an i hliam, an au khuan tuk ning cu an hliam hma a faak lai tiah pawngkam a ummi sangmi nih an chim. Atu hi Hakha Siizung ah an kalpi hna i, an thi maw an nung ti zong theihsi rih lo. Atu bantuk in kahdohnak a chuah hnu ah CDF CNA hna cun him tein an umnak ah an kir kho tiah theih a si.
Australia pa Fr. Aaron nih CNF/A caah $1,000 a kan hlut
ABC Reporter Matt Davis nih
“Myanmar’s Forgotten War” tlangtar in CNA/CNF cawlcanghnak a lakmi zoh nakin Australia rammi Anglican Father pa Fr. Aaron nih CNA/F caah $1,000 a kan hlut. A kan hlutmi cu WM Chinland Club Advisor Pu Peter Sui Thawng, Pastor Andrew Dawt Cung le Pastor David Ral Thang nih lunglawmh tein a kan cohlan piak. Australia pa Fr. Aaron nih Karen pawl cu kum20 chung bawmhnak a pek cang hna I, Chin mi cu avoikhatnak bawmhnak a kan pek hi a si. Bawipa tu nih thluachuahnak pe hram ko seh.
CNF/A Nih CDFs Phu Cungah Divide and Rules A Hman Maw (II)
=========================================
Sept, 24.2022_CCN Channel
Mi cheukhat nih CNF/A cu Hakha le Thantlang ta lawng a si caah Myone dang hna CDFs phu cungah Divide and Rules an hman,a thli tein I thencheu hna seh ti an kan duh,Hakha le Thantlang CDFs phu hna sin ahcun an tluang ngai timi I lungrinhnak le chim ceihmi tete a um len.
A si ahcun,cucu va dik sehlaw,phundang in cun CNF/A nih Myone dang hna cungah CDF an I thencheunak a va tuah hna a va thekdarh hna ti cu va sisehlaw,a dik taktak hnga maw.
A ngaingai ti ahcun,Kalay, Kabaw,Gangaw lei chim loin, Chinram Myone 9 chungah CDFs phu a tamnak bik Myone hna cu Hakha le Thantlang Myone an si hna.
CNF/A nih maw Hakha le Thantlang cungah Divide and Rules cu an hman caah cun maw,mah tluk cun Hakha le Thantlang ahcun CDFs phu cu an tam kun hnga?biahalnak tampi a hung um len ve hnga cu mu.
Cucaah cun CNF/A cungah Kan ruahmi le kan va purhdah mi hna khi a dik lo zia le Chinmi zeitluk in dah kan lung aa rak rual lo timi kan sining a hun fianter ngai tu thil a si tiah ka hmuhning a si.
Note: A cunglei taarmi hi mah pumpak ruahnak asi.
Hmanthlak: Chinland Information Center