UK ram nih SAC Misa Myanmar Mirum U Tay Zar Dantatnak a Pek

UK nih SAC Misa Myanmar Mirum U Tay Zar Dantatnak a Pek: Myanmar ramchung mirum bik pakhat a simi Htoo Group of Companies ngeitu U Tay Zar cu SAC ralhrang he pehtlaihnak ruang ah UK nih nihin ah dantatnak a pek.

“2017 ah a cangmi Rohingya pawl thahnawnnak ah U Tay Zar hi ralkap fund a petu a si pin ah atulio SAC nih nuhrin covo buarnak an tuah cuahmahmi rian zong ah bawmhnak a petu a si. Myanmar ralkap nih ramdang ralhriam an cawk khawh nakhnga a bawmtu bik a si,” tiah UK cathanh ah an telh chih.UK ramchung ah U Tay Zar nih a ngeihmi thilri le tangka vialte tlaihpiak dih an si lai i, amah U Tay Zar pumpak zong UK ramchung luhnak nawl an phih.

Atutan hi SAC nih uknak an chuh hnu in UK nih SAC misa pawl le an rianttuannak pawl a voi 7nk dantatnak a pek a si cang. Source: The Chin Journal,Sep. 2, Yangon.

Relchap: US ah Laimi mino Cheukhat hibantuk i  kan i tel hi cu a poi tak tak. (Thlacam Bawm Cio hna Usih)

US ah Laimi mino cheukhat hibantuk i  kan i tel hi cu a poi tak tak. Za a long tukmi ram US ram a si caah pumpak zalonnak lawng tuak in khrihfabu, mibu le miphun mithmai zoh lo phichuak cu hibantuk thil hi a si. Laimi mino 2 bak US ram i kum tling lo meithal kaptu ah zumh le lunghrinh an si. Damiah hmuh lawng siloin kum tling lo ngakchia zong meithal in an kah i hma a pu ti asi. A poi tak tak. Thlacamtu biatak tein bawm cio hna usih. A tanglei Mirang ca hi Palik Collin County Sheriff Palik zung in an langhtermi a si. Public in an langhtermi a si.

Hi hin Salai ZT Lian timeline ta kan van langhter chih lai. ‘Chin mino pahnih an itel. Damiah hmuh lawng siloin kum tling lo ngakchia zong meithal in an kah i hma a pu ti asi. Thihnak dantatnak hna in taza an cuai hna lai ti ka phang ngai. Abikin Collin county hrim cu tazacuai tikah a sangbik dantatnak in cuai an hman caah an caah lungrethei an si. An nu le pa , an innchungkhar caah zeitlukin lungretheih asi hnga. Bawmh khawhnak lam in bawm cio ko hna usih.’ Source: Salai Z T Lian