Zahan Mindat i Ralhrang pawl cawlcanghnak hi Thin a Phawh Tuk ee

Zahan Mindat i Ralhrang pawl cawlcanghnak hi Thin a Phawh Tuk ee. Hi ti hin langhter a si.

Nizaan Mindat ah Inn Pakhat a Kaang: Nizaan sml. 11:00 hrawng ah Mindat khua ah meithal puah thawng le bomb puah thawng a than hnu ah inn a kaangmi a lang in an hmuh i inn 4 a kaang tiah an ruah. Mindat zatlang bu riantuantu pakhat nih,

“Nizaan ah inn 4 a kaang tiah kan ruah. Asinain, nihin zing ah inn pakhat lawng a kanghmi kan hmuh,” tiah a chim. Zaanmui lak ah SAC ralhrang nih a cawlcaangmi paoh meithal in an kah caah innkangh lio ah mi an chuak ngam lo i thil sining fiang in an thei kho lo. Nizaan ah mithi zong an um tiah Mindat khuachung ah bia a leng nain cu zong cu fehter khawh a si rih lo. Source: The Chin Journal, July 23, Yangon

Relchap: Falam Peng Khuate Inn pawl ah SAC Ralhrang nih Thilri an Fir

July 20 ah CNDF le SAC ralhrang karlak kahdohnak a chuak i Falam peng khuate pali in inndawng 200 hrawng nih an khua an zaamtak.Khuami nih an zaamtakmi Thlanrawn, Taal, Tlangzar le Zamual khua ah SAC ralhrang pawl an lut i inn kutka an bauh, thiri an fir i mortorcycle pawl zong an hrawh hna.Khuami pakhat nih, “A firmi thilri fihlak cu kan thei ve lo. Puan pawl an lakmi cu kan hmuh. Nizaan ah khua ah munung pathum an kal i SAC ralhrang nih an phone an chuh dih hna. An tlai hna lo, an thlah tthan hna,” tiah a chim.July 20 kahdohnak kong he pehtlai in CNDF lei nih thawngpang an chuahmi a um rih lo. Source: The Chin Journal,July 22, Hakha.