Zahan Zan UPC le PC biaksiam Debate cu an i Vuak lo Lawng a Si (VIDEO)
Zahan Zan a dongh zan Debate kha cu a ropui ko. A zan 2nak debate nak zong peh a si i zoh a nuam law law. Tutan ah Mizoram i an buaipi ngaimi UPC biakinn kong ah Dr.PC Biak Siam le Rev. Thanliansanga cu mi zapi zoh awk ah biatak tein bia an i al.
A tanglei ah video zan khatnak le zan hnihnak video a um lai. PC Biak Siam nih hin UPC zumhnak cu a dik lo tiah cauk 2 tiang a rak chuah bal. Hi kong he pehtlaiin Rev.Thangliansanga nih hin cauk thiam thiam in lehnak a rak tuah ve. A donghnak ahcun mipi hmai law law ah bia i al dingin Rev. Thangliansang nih hin PC biaksiam hi a sawm. A tanglei ah video full in a um lai. Zoh a nuam law law.
Part 1 Video
Part 2 Video
Video Credit: Mizo Official channel.
Hi Kong he pehtlaiin hi ti hin a zohtu laipa pakhat nih cun a zan khatnak deabte kong a tial ve.
Kawlthlen Hlanah UPC Pa Nih Kawl 3 A Kawl Manh.Dr.Rual Uk Cu Zeibantuk Khin Dek A Hei Um Vehnga!!
Nizan 22 June 2022,zan suimilam 8 pm to 11 pm tiang,zumhnak kong i bia alnak a ngei mi,Mizoram chungah an zumh taktak mi le an uar ngaingai mi,Upa Dr.PC.Biaksiama le UPC.Rev.Thangliansanga cu hmaitawnh bakah Bible an zumhnak le an cohlan ning cu i ruahnak an ngei i,hi an iruahnak hi,Mizo Chanel tampi ahcun Live in an thlah i a zohtu hna hi ting 3 renglo nih an Live chung ah hin an zoh hna.
A hmasa ah hin,Rev.Thangliansanga nih minute 20 hi a mah nih a cohlan ning cu duhtawk in a chim,hi hnu ah hin,Upa Dr.PC.Biaksiama nih cun minute 20 chung a chim ve,hi hnu ah hin pakhat le pakhat bia i halnak a um.Bawlung chuih siselaw tihin ka chim hnga.”Kawl thlen hlan ah khan,Rev.Thangliansanga nih duhtawk in bawlung cu a tongtham le Dr.Pc.Biaksiama le a mah lei i a ttang mi hna cu bawlung in a hlen a hlen hna caah bawlung tinglo in a thluuk leen hna i,Kawl thlen hlan ah hin,Rev.Thangliansanga le a leittang nih hin kawl 3 tluk an kawl i,Pu Biaksiama le a hawi le nih cun an mah lei kawl pawngin an chuihpi hna i,an kawl lawnglawng a kawl sual lai tiah an veng hna tiawk khin an um.Asinain,Rev.Thangliansanga le a hawi le nih cun an kawl tthiam ko hna…
Kawl thlen hlan ah hin,Rev.Thangliansanga lei nih bia an hal mi hna i,Pu Biaksiama le a mahleo a ttang mi nih hin an let kho mumal hna lo i,Pu Biaksiama cu a holh lio ah chim ding a theih cawlhlo caah aw,aa tiin a um pah lengmang.Hi nih a langhter mi cu,Bible i ciahnak ttha a ngei lo hlahmaw tiawk khin a um.
Kawl thlen a si.Rev.Thangliansanga nih cun,Kawl thlen hlan i a chuih tthat ning phun khan chuih ttha peng dingin airuah,hi lio ah,Pu Biaksiama le a leittang hna nih bawlung cu an i lenh ve cang,Pu Biaksiama le a hawile nih an lei i bawlung an hei chuih/bia an halnak hna cu leh khawhlo mi an van ngei cang,hi an biahalnak pakhat ahcun,Tipil in nak ah hin ti paohpaoh hi a thianglo tinak maw a si i,a thiang bik mi ti hi a um maw,tiah an halnak cu,Rev.Thangliansanga le a hawi le nih cun an let kho hna lo,hi khawh caangka hin,Pu Biaksiama nih cun,duhtawk in bawlung cu ailenh i,Rev.Thangliansanga le a hawi le hna cu daidep in an um i,Pu Biaksiama le a hawi le thawng cu a ring ngaingai.
Kawl thlen hnu a donghnak tiang ah hin cun kawl 4 veve an i kawl cang i,a hnu ah Pu Biaksiama nih a donghnak bia a chim i,a duhtawk in a chim mi bia cu,Rev.Thangliansanga le a hawi le nih lehnak caan a um ti lo,caan ngei hna selaw leh ding tampi an ngeih ka zumh.Hi lio caan kha.Dr.Rual Uk nih a rak ngeih ve ahcun a taksa a fah dih ka zumh,a sullam cu,UPC kong hi,Dr.Pc.Biaksiama le Dr.Rual Uk nih hin an buaipi bik mi pakhat ah aitel caah,a hawittha.Dr.PC.Biaksiama,mipi nih kan zumhnak in a cawl khawhlo mi a rak hmuh i a rak theih ve ko ahcun a um kho hrimhrim lai lo i,a taksa tiang in a faak dih kho ti khi ka chim duhnak a si.Asullam cu,Bible ah ka bochan caah a si.Note:Hi kongah ttanh hlei in ka ttial lo,keimah nih a dongh tiang ka ngeih mi chungin ka ttial mi a si.Tuzan 23 June ,zan suimilam 8 pm,india caan ah khin ngeih khawhtthan a si lai.Source: Tin Duh Thang