Zualko: Kalay i a ummi Pu Run Kung (David pa) nih mual a kan liam tak (RIP)

Tulio hi mitthi nichiar ti awk in kan nei. Atu zong Pu Run Kung(David Pa),Kum 48 Church of Christ, Taungzalatt, Kalay nih nihin June 26, 11:45 ah mual ah mual a kan liamtak than. Bawipa nih tantakmi chungkhar daihnak pe hram ko seh. Apoi tuk hringhran.

Relchap: Laipa Pahnih Ralhrang Nih Tlaihmi an Umnak theih asi lo

Ralhrang Rallokap Nih Tlaihmi Letpanchaung mi pahnih an umnak theih asi lo: Letpanchaung mi pahnih ralhrang nih an tlaihmi hna cu zarhnih tiang ah an umnak theih asi lo. Letpanchaung mi Salai Tun Tun -29 le Salai Thang Thang kum 23 cu June 16 ah ralhrang nih an tlaih hna i nihin tiang an umnak theih asi rih lo.

Salai Tun Tun hi Falam peng Waibula ah tlakrawn rual a tuan i a tupa Salai Thang Thang nih June 16 ah saikel in a va dom,Kalay lei panh in an kir lei ah ralhrang nih an tlaih hna.

Tun Tun cu fa pathum nei asi i an tlaih ni ahhin inn lei phone a chawnh ko hna nain an umnak cu tutiang theih asi lo. Source: The Chin Post 

BREAKING NEWS: Ralhrang Tam Tak Tak Cu Falam Lei ah an kal

Kalay-Falam Kar Ralhrang Rallokap A Riak Mi Hna Cu Falam Lei ah an kal: Falam-Kalay lam ah nizaan June 25 ah a riakmi ralhrang thazaang 50 hrawng cu tuzing ah Lumbang lei in an ke in an kal. Hi hna pawl hi nizaan suimilam 11 hrawngah Kalaymyo in SKAT mawtaw pahnih in ralhrang 50 leng cu Falam peng Khuaimual ah a riakmi an si.Source: The Chin Post.

Ralhrang Nih Ni 14 Kahdaih Hnatlaknak An Buar: CDF-Mindat le ralhrang karlak i ni 14 chung kahdaih hnatlaknak an buar i June 26, tuzing ah Mindat-Matupi lam mengtung No.16 hrawngah kahdohnak an tuah than tiah theih a si. Cuka hrawngah bomb le meithal puah thawng theih a si.Atu tiangah a thimi le hliam a tuarmi theih a si rih lo, CDF-Mindat nih zohfiannak an ngeih cuahmah lio a si. Ni 14 kahdaih hnatlaknak an tuah hnu nithumnak ah atu bantukin ralhrang lei nih an buar hi a si.