ZUALKO: Ruahlo Piin Rev. San Cung Nung Nih Mual Akan Liam Tak Ee! (Rip)
Hakha Ebenezer AG Khrihfabu ah Pastor a rak țuan balmi le kan bochan pengmi kan pa Rev. San Cung Nung nih nihin February 2, 2022 suimilam 12:35PM ah dawtu a pa Pathian sinah a kan dinh tak cang.
Ebenezer AG Khrihfabu kan ngaih a chia tuk hringhran.Taantakmi chungkhar dihlak cungah Pathian hnemhnak tlung ko seh. 1988 june thla ni 1 in Assistant Pastor rian a țuan i 1990 july 1 in 1996 March 31 tiang Senior Pastor a rak țuan.
Credit: Ebenezer AG Church Hakha | ZBL
Relchap Ding:
Min Aung Hlaing hruai mi ralkap bu nih nawlngeihnak an laknak cu nihin February 1 in kumkhat a tling cang. Cu kumkhat chung ah cun ralhrang uk duhlonak cu a lamkip in langhter an si. CDF-Thantlang zong nih ralhrang uknak an hram chah ding le Chin miphun hna nih mah tein i tawlrel khawh nakding ah ralhrang phu cu doh a si.
CDF-Thantlang peng chung in khua 51 ah khuabawi thim an si cang. Thantlang pengchung mipi uknak lei bu cu a luancia November 2021 ah rak dirh a si. Thantlang peng palik, ngandamnak, fimcawnnak, lamsul lei, biaceihnak le cinthlaknak lei department pawl zong ser an si cang, tiah nihin February 1 ah Thantlang peng mipi uknak lei bu nih cathanh an chuah.
Thantlang peng uknak lei bu sernak tang ah ngandamnak lei department in sii-inn zong hon an si i mizapi ngandamnak ca ah rian an ṭuan, fimcawnnak lei department in khua 51 ah primary le middle sianginn 51 zong hon an si cang. Palik lei department in Thantlang pengchung phungning tein phungphai(law and enforcement) a kal khawh nakding ah rianṭuannak an ngei. Biaceihnak lei department in mipi hna nih an langhter mi; thilsual a cang mi dihlak cu phungning tein, aa tlakning in le Lai phung he aa tlak ning in tawlrel an si.
Cun, Lamsul lei department in khuakhat le khuakhat pehtlaihnak lamsernak le lam rawk remhnak rian hna cu ṭuan an si cang. 2022 kum chung ah Thantlang peng uknak lei bu sernak in mipi hna nih himnak an hmuh i, uknak lei ah tlamtling tein an cawlcangh khawh nakding le ngandamnak lei fimcawnnak lei kong ah pehzulh tein rianṭuan a si khawh nakding caah timhtuah a si. Ralhrang uknak an hram chah ding, mah tein i tawlrel khawh nakding le federal democracy hmuh khawh nakding ah mizapi nih hnu tolh lo i ṭanpi ding in Thantlang peng uknak lei bu nih cathanh an chuah.
Credit: The Chin Post!