ZUALKO:Tuni lawng ah Pastor 6 nih mual a kan liam tak (RIP)

A mak tak tak. Khuaruahar tak tak a si. Tulio hi Pastor le Rev pawl nih mual a kan liam tak tam tak tak. Ngaih a chia tuk e. Ni hin lawng ah Pastor 6 bak nih mual a kan liam tak. Cu hna cu Nihin July 6 Kalaymyo Ah Pastor Paruk An Nunnak Liam,1.Rev.Kyaw Than (kum 68) Chaungkhuah khua 6:30AM. 2.Rev.En Thang (kum 69) Pyin Khone Kyi khua 12:15PM,3.Pastor. No Hlei Thio (kum 34) Sithar khua 2:00PM ,4.Rev.Khua Rem (kum..) Shungshi khua, 5.Rev.Ca Hu (kum 40) Tanbu khua 7:30PM. 6.Rev.Cin Za Mung (kum 66) Kalaymyo khua 4:30PM.

Relchap: Rampi Ruahnak Petu Daw Aung San Su Kyi Sualphawtnak Pohmah 505 Cu Caankarlak Ngol Piak Dingin Biatung Chuahmi Cohlang Lo

Rampi ruahnak petu Daw Aung San Su Kyi sualphawtnak pohmah 505(b) cu ralhrang nih biatung dirh in catlap tlaphnih cu cohlang lo in biaceih zung a dotdot in chuahpi caan ah peng biaceih zung nih sualphawtmi zohhleng lo in caan karlak ngol dingin Sihni hna nih an chuahpi mi cu an cohlang lo tiah theih asi.

Hi sualphawtnak finfiahnak catlap tlaphnih cu Sihni hna nih an cohlan lo caah an chuah pimi biaceih zung nih a thawn piak hna i tuzing zungchuah caan ah pengkomh bieceih zungah pehzulh in chuahpi ding mi cu pengkomh biaceih zung nih a thawn piak hna.Sihni hna nih Mandalay ramthen,biaceih zungah pehzulh in chuahpi than dingin timhlamh caan ah atu sualphawtmi peng biaceih zung nih zohhleng lo in an kan thawn piakmi hi cu kan cohlang lo tiah Daw Aung San Su Kyi Sihni Daw Min Min Soe nih thawngzamh tu hna sinah a chim.Rampi ruahnak petu Daw Aung San Su Kyi le a pawng minung hna cu Covid runvennak sii chunh dih an si cang tiah Sihni hna nih an chim. Source: The Chin Post.